Deenu bhai pant

दीनू भाई पन्त हुन्दी
कविता ‘शैहर पैह्लो पैह्ल गे’
नौमी किश्त....

गे होगे इक करोह्,
रेहा रस्ते दा नीं थौह्
सोचां मिक्की केह् धोखा,
कन्नै तेजां कदूं लौह्का।
रस्ता इसगी औंदा होग,
आपूं सिड़का जाई पौग।
तेजां केरो-केरी ढलै,
बड़ा किश आप-मुहारा चलै।
जेलै पुज्जे जाई खड्डा,
तेजां आखै टपला लग्गा।
फराटी पंज करोह् लग्गी,
सिड़क लारिया दी लब्भी।
नुक्कां पकड़ी लेइयां हत्थ,
दमैं चले झट्ट-पटट।
ब'न्नतलाऽ पुजदे तोड़ी,
पैर परून होई गे।
शैहर पैहलो पैहल गे...